Prizren, 9 qershor - Ka përfunduar ndërtimi i mureve mbrojtëse në fshatin Skorobisht të Komunës së Prizrenit, që ka ngritur nivelin e sigurisë së banorëve nga rreziku potencial i rrëshqitjes së dheut.

Me këtë rast, është bërë dhe zgjerimi i rrugëve që krijon siguri më të madhe për pjesëmarrësit në komunikacion.

“Janë ndërtuar 4 mure mbrojtëse me gjatësi 294 metra dhe është realizuar kanalizimi atmosferik me gjatësi 105 metra."

"Mbetemi të përkushtuar për realizimin e infrastrukturës funksionale dhe të sigurt për qytetarët” – u shpreh me këtë rast Kryetari i Prizrenit, Shaqir Totaj.