Prishtinë, 17 nëntor - Instituti Demokratik i Kosovës (KDI) organizon konferencën për media, ku do të prezantohet Analiza për Projektligjin për Paga në sektorin publik: Tendencë për nivelizim apo ndërhyrje.

Gjatë kësaj konference do të prezantohen gjetjet në lidhje me Projektligjin aktual për pagat në sektorin publik si dhe do të trajtohen më në detaje çështja e ndërhyrjes në sistemin gjyqësor, pavarësia e Institucioneve të Pavarura dhe nevoja për përcaktimin e koeficientit të pagës si dhe do të paraqiten praktikat e standardet ndërkombëtare në lidhje me pagat në këtë sektor.