FMN vlerëson të arriturat e ATK-së në mbledhjen e borxheve
Prishtinë, 24 maj - Ekipi i ekspertëve nga Fondi Monetar Ndërkombëtar dje ka përfunduar vizitën e tyre në Administratën Tatimore të Kosovës.
Gjatë takimit përmbyllës që kishin me Drejtorin Ekzekutiv të ATK-së Ilir Murtezaj, përfaqësues nga FMN vlerësuan implementimin e deritanishëm të reformës që është bërë në Departamentin për Menaxhimin e Mbledhjes së Borxheve, si dhe u shprehën të kënaqur me rezultatet e arritura.
Njëkohësisht u konfirmua se FMN me ekspertët e saj, do të vazhdojnë përkrahjen në avancimin e mëtutjeshëm te ngritjes se kapaciteteve profesionale dhe zhvillimit te procedurave qe prodhojnë ngritje te progresit ne funksionin e mbledhjes se borxheve.
Vlen të theksohet se reformat në strukturën e MD janë duke u vlerësuar si shembull për vendet e rajonit.
