Prezantohet zbatimi i Strategjisë Kombëtare të Ujërave për Kosovën
Prishtinë, 20 mars - Let’s Do it Peja organizon konferencën e parë për prezantimin e monitorimit të implementimit të Strategjisë Kombëtare të Ujërave për Kosovën 2017-2036 dhe prezantimin e Propozimit të Politikave për Menaxhimin e Territorit Rreth Resurseve Ujore në Kosovë.
Kjo konferencë paraqet për herë të parë një dokument strategjik mjedisor të monitoruar dhe analizuar në detaje me përmbajtje substanciale për përmirësimin e gjendjes së menaxhimit të resurseve ujore në vend dhe do të paraqes prezantimin për përmirësimin e politikave të menaxhimit territorial të resurseve ujore në Kosovë.
Ky aktivitet organizohet në kuadër të projektit “Promovimi i Qasjes Univerzale në Ujë të Pastër” është projekt 3 vjeçar që ka filluar implementimin nga Janari 2022 dhe i cili ka qëllim kryesor përmirësimin e menaxhimit të resurseve ujore dhe fuqizimin e komuniteteve për të arritur të drejtat e tyre për qasje në ujë të pastër.
Projekti financohet nga Zyra e Bashkimit Europian në Kosovë dhe zbatohet nga Let’s Do It Peja.
