Rahovec, 6 prill - Përkushtimi, interesimi i përhershëm i Komunës së Rahovecit dhe agjenda zhvillimore, bujkun Rahovecas, u dëshmua edhe sot ku janë ndarë 300 motokultivatorë për 300 bujq.

Në shpërndarjen e  motokultivatorë, i pranishëm ishte edhe kryetari i Komunës, Smajl Latifi, nënkryetari, Fatmir Iska dhe Berat Duraku, drejtori i Drejtorisë së Bujqësisë, Pylltarisë dhe Zhvillimit Rural.

“Sot, bashkë me drejtorin e bujqësisë Berat Durakun dhe bashkëpunëtorë të tjerë, kemi filluar procesin e shpërndarjes së mekanizmit bujqësor për 300 përfitues, në projektin: “Furnizim me mekanizëm bujqësor”.

Pajisjet bujqësore të cilat janë shpërndarë sot janë 300 motokultivatorë. Pra, gjithsej: 300 bujq përfitues, sot kanë pranuar pajisjet e tyre.

Në kohën kur kriza ekonomike ka kapluar vendin, siguroj, se Komuna e Rahovecit do të vazhdojë të trajtojë me dinjitet bujkun rahovecas me të vetmin qëllim: ndihmën e vazhdueshme për ta, me mekanizëm për bujqit, e që ndikon drejtpërdrejtë në lehtësimin e punës së tyre, rrjedhimisht, në rritjen e ekonomisë lokale.

Së shpejti, do të shpërndahen edhe pajisje të tjera për bujqit! Ata do përkrahen edhe më fuqishëm në të ardhmen nga komuna e tyre. T’i gëzojnë bujqit tanë të vyeshëm”, ka thënë ndër të tjera kryetari Latifi.