29 Mars 2023

Dita e Tokës shënohet me mbjelljen e kopshteve vertikale

Prishtinë, 22 prill - Për të shënuar Ditën e Tokës, UNDP së bashku me Ministrinë e Mjedisit, Planifikimit Hapësinor dhe Infrastrukturës dhe UNICEF organizuan sot një ngjarje në të cilën 30 vajza dhe djem nga gjashtë shkolla publike mbollën kopshte vertikale në sheshin Zahir Pajaziti.

Ky ishte i pari nga një sërë aktivitetesh nën ombrellën e Ditëve të Tokës së Kosovës që do të zhvillohen në prill dhe maj për të rritur ndërgjegjësimin lidhur me rëndësinë e mbrojtjes së mjedisit dhe nevojën urgjente për ndryshim të sjelljes për të shpëtuar planetin.

Tridhjetë vajza dhe djem, nxënës të gjashtë shkollave nga tri komuna — Prishtinë, Lipjan dhe Fushë Kosovë — mbollën fidane në kopshtet vertikale të cilat do t'u dhurohen shkollave pjesëmarrëse dhe do të jenë në kujdesin e nxënësve. Të pranishëm në këtë aktivitet ishin Liburn Aliu, Ministër i Mjedisit, Planifikimit Hapësinor dhe Infrastrukturës; Maria Suokko, Përfaqësuese e Përhershme e UNDP-së; Larissa Bruun, Zëvendës-shefe e UNICEF/OIC; Sh. T. Keisuke Yamanaka, i Ngarkuar me Punë a.i. i Japonisë në Kosovë; Ulrika Richardson, Koordinatore e OKB-së për Zhvillim; Përparim Rama, Kryetar i Prishtinës; Fitore Pacolli, Kryetare e Komisionit Parlamentar për Bujqësi, Pylltari, Zhvillim Rural, Mjedis, Planifikim Hapësinor dhe Infrastrukturë; mysafirë të tjerë të nderuar dhe publiku i gjerë. 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Do të bëhet nënshkrimi i Memorandumit të Bashkëpunimit trepalësh mes Ministrisë së Kulturës, Rinisë dhe Sportit, Ministrisë së Mbrojtjes dhe Federatës së Xhudos të Kosovës. (Qendra Nacionale të Xhudos në Pejë, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)