29 Mars 2023

Bletaria do ta ketë mbështetjen e Ministrisë së Bujqësisë

Çabër, 3 prill - Bletaria si një sektor me potencial dhe i rëndësishëm në vendin tonë, me mbështetjen e Ministrisë së Bujqësisë, Pylltarisë dhe Zhvillimit Rural do të zhvillohet në vazhdimësi, duke rritur kështu prodhimtarinë dhe cilësinë e mjaltit dhe produkteve të saj.

Përkrahjen për këtë sektor e ka konfirmuar Ministri i  Bujqësisë, Pylltarisë dhe Zhvillimit Rural, Faton Peci gjatë vizitës së bletarëve në fshatin Çabër të Komunës së Zubin Potokut.

Gjatë kësaj vizite, ai është njoftuar me veprimtarinë që e zhvillojnë në këtë sektor edhe gratë fermere në këtë rajon, me ç’ rast ka premtuar mbështetje të vazhdueshme për avancimin e mëtejmë të bletarisë.

“Kjo komunë veriore edhe falë relievit, klimës e vegjetacionit ofron kushte të mira për bletarinë. E duke ditur rëndësinë e këtij sektori, këtë vit, përmes Programit të Pagesave Direkte - Subvencioneve 2022, një koshere e bletëve do të subvencionohet me 20 euro’, ka thënë Ministri Peci.

Ndryshe, përveç mjaltës, bletët kanë efekt të lartë pozitiv edhe për kulturat e tjera bujqësore përmes procesit të polenizimit andaj edhe përkrahja për këtë kategori nuk do të mungojë. 

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Do të bëhet nënshkrimi i Memorandumit të Bashkëpunimit trepalësh mes Ministrisë së Kulturës, Rinisë dhe Sportit, Ministrisë së Mbrojtjes dhe Federatës së Xhudos të Kosovës. (Qendra Nacionale të Xhudos në Pejë, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)