Prishtinë, 27 prill - Organizata për Rritjen e Cilësisë në Arsim (ORCA) ka njoftuar se sot para hyrjes kryesore të Kuvendit të Republikës së Kosovës, realizon aksion simbolik me ç’rast do të kërkohet ndryshimi i statusit të kolegjeve private nga biznese fitimprurëse në organizata jofitimprurëse.

Ky aktivitet realizohet pak para mbledhjes së Komisionit Parlamentar për Arsim ku do të organizohet Dëgjimi i tretë publik për Ligjin për Agjencinë e Kosovës për Akreditim.