Gjakovë, 1 shtator - Ministria e Arsimit, Shkencës, Teknologjisë dhe Inovacionit (MASHTI) organizon ceremoninë e përurimit të Abetares së përbashkët Kosovë - Shqipëri, me të cilën nga ky vit shkollor do të mësojnë të gjithë fëmijët shqiptarë kudo që jetojnë.

Në këtë ngjarje do të marrin pjesë edhe ministret e Arsimit të Kosovës dhe të Shqipërisë, Arbërie Nagavci dhe Evis Kushi.

Ceremonia do të mbahet sot në Amfiteatrin e parkut “Ali Podrimja” në Gjakovë.

Nxënësit që ulen për herë të parë në bankat shkollore këtë shtator do të studiojnë të njëjtin libër si në Kosovë ashtu dhe në Shqipëri.

Marrëveshja për Abetaren e unifikuar – për nxënësit nga jugu në veri, te të dyja vendet – u arrit në nëntor të vitit 2021, gjatë takimit të përbashkët të dy qeverive.