Prishtinë, 6 prill - Koalicioni për Integritet dhe Transparencë në Universitete (KITU) shpreh indinjatën e tij në lidhje me vendimin 01B/036 të Ministrisë së Arsimit, Shkencës, Teknologjisë dhe Inovacionit (MAShTI).

KITU thotë se pavarësisht kërkesës së bërë nga MAShTI më datën 21 mars 2023 që të nominojmë një anëtar nga radhët e koalicionit për emërim në Komisionin për Shqyrtimin e Aplikimeve për Anëtarët KShC-së, MAShTI ka vendosur të mos e emërojë anëtarin e propozuar, por ka emëruar një përfaqësuese nga organizata EdGuard.

Ky mos emërim është i pa pranueshëm për koalicionin KITU, i vetmi i përbërë nga organizatat që punojnë në arsimin e lartë, duke pasur si anëtarë të vet organizata të specializuara në monitorimin e Agjencisë së Kosovës për Akreditim dhe çështjeve të arsimit të lartë në përgjithësi.

KITU zotohet se nuk do të lejojë kapjen e asnjë institucioni sidomos jo duke legjitimuar procese të tilla në emër të shoqërisë civile.