Prishtinë, 29 qershor - Klubi i Prodhuesve të Kosovës (KPK) do të organizoj Samitin e Arsimit dhe Aftësimit Profesional - VET Samit!

Pjesëmarrës në VET Samit, do të jetë edhe Kryeministri i Republikës së Kosovës, Albin Kurti, ku do të jetë pjesë e ceremonisë hyrëse dhe do të vizitoi panairin e shkollave profesionale pjesë e VET Samitit.

Për herë të parë në Kosovë, VET Samiti po vjen me qëllim të diskutimit mbi rolin kyç të arsimit dhe aftësimit profesional në rritjen dhe zhvillimin e qëndrueshëm ekonomik të Kosovës. Kjo ngjarje vjen e organizuar nga Klubi i Prodhuesve së bashku me Besa Foundation e.V.

Të pranishëm do të jenë 150 kompani vendore dhe rajonale, institucionet qeveritare, ambasadorë, shoqatat e biznesit, donatorët ndërkombëtarë si dhe ekspertë me renome ndërkombëtare – për të diskutuar dhe shkëmbyer përvojat e tyre dhe për të parë praktikat më të mira për krijimin e një sistemi sa më të avancuar për AAP, i cili do të ndikon në zhvillim të qëndrueshëm ekonomik të vendit.

Edicioni i sivjetmë i VET Samitit përkrahet nga Projekti ESVET PRO - Mbështetja e Bashkimit Evropian për Rikualifikimet Profesionale dhe Profesionet në AAP, Enhancing Youth Employment- EYE Project, Projekti ALLED 2 dhe Kosovo Challenge Fund.